RSS Feed

Tag Archives: ახალშობილის კვება

როდის გავასინჯოთ ბავშვს კატლეტი?

10 თვიდან გავასინჯოთ კატლეტი, როცა ჩვილს რამდენიმე “კიჭი” ამოეჭრება.

არ გეგონოთ ვიჩქარეამ “პოსტის” დადება. ჯერ ხომ არ გამხდარა ჩემი პატარა ათი თვის. მე კი პირადი გამოცდილებიდან ვწერ ყველაფერს. ალბათ იფიქრეთ ამერია თარიღები. 🙂  საქმე იმაშია რომ ჩემს “ბუბუს” 8 თვისას უკვე 6 “კიჭი” აქვს. 🙂 ორი ქვემოთ 4 თვისას ამოუვიდა, ხოლო ზედა 4 კბილი 7 თვისას უკვე ქონდა . ახლა 10 ივნისს ცხრა თვის გახდება. ამიტომ მგონია რომ ცოტა მშობელმაც უნდა მოახდინოს დაკვირვება და ექიმის მეთვალყურეობისა და კონსულტაციების ფონზე, მანაც შეიტანოს მცირედი ცვლილებები. მე 8 თვიდან დავაწყებინე კატლეტის მიცემა.

10-11 თვის ბავშვს ახალამოწვერილი კბილებით უკვე შეუძლია მყარი საკვების დაღეჭვა. კბილებთან ერთად იყენებს ღრძილებს, ენას და სასას.

საბავშვო კატლეტი ადვილი მოსამზადებელია.

  • ახალგაზრდა საქონლის რბილი, მჭლე ხორცი – 100 გ;

  • რძე  – 15 მლ;

  • ნახევარი კვერცხი.

ხორცი ორჯერ გაატარეთ მანქანაში, დაამატეთ რძე და ათქვეფილი კვერცხი, ცოტა მარილი, კარგად აურიეთ. მიღებული მასისგან გააკეთეთ პატარა ბურთულები და ჩაყარეთ ადუღებულ წყალში, რომელშიც წინასწარ ჩაუშვებთ ერთად შეკრულ მწვანე ხახვისა და კამის რამდენიმე ღერს. ხარშეთ ნელ ცეცხლზე 8-10 წუთი. შეგიძლიათ, კატლეტს გარნირი დაურთოთ – ბოსტნეულის პიურე – სტაფილოსი, ყვავილოვანი კომბოსტოსი, ყაბაყის, ჭარხლის ფოთლების, კარტოფილის. პიურე შეგიძლიათ შეკაზმოთ ნახევარი ჩაის კოვზი ზეითუნის ზეთით, ცოტა მარილით და მოასხუროთ ლიმონის წვენი. ამგვარად ბავშვი ცოცხლად მიიღებს C ვიტამინს, რომელიც ხელს უწყობს რკინის ათვისებას.

 

ნ.შ

 

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

Advertisements

რა ასაკიდან უნდა შევიტანოთ ბავშვის მენიუში კვერცხი?


ქათმის
კვერცხი 7-8 თვიდან უნდა შევიტანოთ ბავშვის მენიუში, მე პირადად 8 თვიდან მივეცი. ჯერ ჩ/კ -ის მეოთხედი, მერე  გავზარდეთ. აღსანიშნავია რომ თავდაპირველად – მხოლოდ გული უნდა ჩავრთოთ რაციონში, 1 წლიდან კი ცილაც. ცილის ალერგიული თვისებები მოხარშვის შემდეგ იკლებს, მაგრამ მაინც სახიფათოა. ამიტომაც არ გვირჩევენ წლამდე მის შეტანას ბავშვის მენიუში. თუმცა მნიშვნელოვანია ინდივიდუალური ფაქტორიც, ასე რომ, ამის გადაწყვეტა ექიმს მიანდეთ. სიცოცხლის პირველ წლებში ბავშვს მხოლოდ მოხარშული კვერცხი უნდა მივცეთ (კარგად, დაახლოებით 10 წუთი უნდა ვხარშოთ), ხოლო შემწვარი დაახლოებით 4-5 წლისთვის.

 

მინდა კიდევ ერთხელ შეგახსენოთ, რომ მე ჩემი გამოცდილებით ვიცი და ვწერ, მაინც გადაამოწმეთ პედიატრთან, დიეტოლოგთან  🙂

ნ.შ

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

ახალშობილი და კარტოფილი

პედიატრის რეკომენდაციით , სასურველია შეემატოს პატარას მენიუში არაუადრეს 6-7 თვისა , თუმცა მე 5 თვისას გავასინჯე ბოსტნეულის სუფში. თეთრი კარტოფილი ალერგიის განვითარებას იშვიათად იწვევს , ამიტომ თავისუფლად შეიძლება იგი ამ მხრივ უსაფრთხო საკვებად ჩავთვალოთ .

რაც შეეხება კარტოფილში შემავალ სასარგებლო ნივთიერებებს , იგი განსაკუთრებით მდიდარია კალიუმითა და სახამებლით .

 კარტოფილის პიურის მომზადება
უმჯობესია კარტოფილი ორთქლზე ანუ ძალიან მცირე რაოდენობით წყალში მოხარშოთ .

1. კარტოფილი გათალეთ და გაჭერით შუაზე
2. გააჩერეთ 30 გრასუდამდე გამთბარ წყალში 1 საათი
3. შემდეგ დაჭერით მომცრო კუბებად და მოათავსეთ ჭურჭელში
4. კარტოფილი არ დაფაროთ წყლით , ხარშეთ ორთქლზე !
5. მოხარშვის შემდეგ წყალი გადაღვარეთ და დასრისეთ ( არ დააბლენდეროთ , თორემ იგი წებოვან მასად იქცევა )
6. დაამატეთ წყალი ან რძე , მარილი გემოვნებით და ზეითუნის ზეთის რამდენიმე წვეთი ასაკის მიხედვით

ნ.შ

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

ახალშობილი და ვაშლი

თუ ვუმტებთ ვაშლს ბავშვის მენიუს აუცილებელია გვახსოვდეს :
• ბავშვის ასაკი უნდა იყოს 4-6 თვის,
• ვაშლის პირველ მიცემამდე დარწმუნდით , რომ ბავშვს არა აქვს ალერგია მასზე
• აუცილებლად გამოიყენეთ გათლილი ვაშლი., კარგად გახეხილი ან გათუთქული სახით
• ბავშვს ხილი მიეცით მხოლოდ ჭამის შემდეგ და არა უზმოზე .

თავიდან ნახევარი კოვზი გაასინჯეთ, მერე ნელ-ნელა გაზარდეთ ულუფა.

ვაშლის პიურე:
გარეცხეთ ვაშლი , და მოათავსეთ მდუღარე წყალში 45 წუთის განმავლობაში , შემდეგ გაფცქვენით და ჩაჭყლიტეთ, შეგიძლიათ გაათხელოთ რძით

ან

წინასწარ დაჭრილი ვაშლი დაორთქლეთ და ჩაჭყლიტეთ

ან
დაჭრილი ვაშლი აადუღეთ ცოტა წყალში
ასეთი მეთოდით თქვენ სრულად შეინარჩუნებთ იმ მინერალებს და სასარგებლო ნივთიერებებს , რითაც მდიდარია ეს ხილი

ვაშლი – თავის ტვინის განვითარებისათვის :

1. ვაშლი შეიცავს ანტიოქსიდანტებს , რომლებიც ამცირებენ თავის ტვინის ნეირონების ანთებით პროცესს და ხსნის ჟანგბადოვან სტრესს
2. შეიცავს მიკროელემენტ – ბორს , რომელიც აუმჯობესებს თავის ტვინის აქტიურობას და იმპულსების გატარების სისწრაფეს
3 . ხელს უწყობს დეტოქსიკაციას

საინტერესო ფაქტები ვაშლის შესახებ :
– ვაშლი ვარდისებრთა ოჯახის წარმომადგენელია
– ვაშლი წყალში ტივტივებს , რადგან იგი 25% ჰაერს შეიცავს
-1989 წელს ვაშლი ვაშინგტონის ოფიციალურ სახელმწიფო ხილად აღიარეს
– საშუალო ზომის ვაშლი 80 კალორიაა
– ადრეულ რომში ვაშლი ფუფუნების ხილად ითვლებოდა
– რომაულ მითოლოგიაში ვაშლის ქალღმერთს პომონა ჰქვია

• ამცირებს კუჭის პრობლემებს : ადრეული ასაკის ბავშვები ხშირად იტანჯებიან კუჭ-ნაწლავის პრობლემებით . ასეთი შემთხვევებისას ვაშლი ნამდვილ ხსნად გვევლინება , პოლიფენოლი ,რომელიც ვაშლის შემადგენლობაში შედის ხელს უშლის კუჭის ლორწოვანის დაზიანებას , ვინაიდან წარმოქმნის აფკისებრ ფენას კუჭის შიგნით .
• ყაბზობა: მნიშვნელოვანი პრობლემაა ბავშვთა ასაკში , ვაშლი შეიცავს საკვებ ბოჭკოებს , რომლებიც ხელს უწყობენ მონელებას , ფეკალური მასების გათხელებას და აუმჯობესებენ პერისტალტიკას.
• ინფექციების დროს : ვაშლი ძლიერ სასარგებლოა დიზენტერიის დროს , ინფექციური დაავადებებისას მინერალების და ენერგიის აღსადგენად
• ხველა: ვაშლი ამცირებს ღამის შემაწუხებელ ხველას

ნ.შ

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

ახალშობილი და ყაბაყი

ყაბაყი მნიშვნელოვანი ბოსტნეულია , ვინაიდან შეიცავს ადამიანისათვის საჭირო უამრავ მიკროელემენტს : რკინას, კალციუმს, კალიუმს, მაგნიუმს. აღნიშნული მიკროელემენტები ძალიან მნიშვნელოვანია ტვინის, გულის, თირკმელების და ფილტვების ფუნქციონირებისთვის.
ყაბაყი მნიშვნელოვან როლს თამაშობს ორგანიზმის დეზინტოქსიკაციაში , იგი ორგანიზმიდან გამოდევნის მავნე ნივთიერებებს არეგულირებს ქოლესტერინის შემცველობას.

ყაბაყი მიეკუთვნება იმ მცირე პროდუქტების რიცხვს, რომლის მიცემაც ბავშვთა ასაკში მნიშვნელოვანი და სასარგებლოა . ყაბაყი ნაკლებად ალერგიულია . შეიცავს დიდი რაოდენობით ფოლიუმის მჟავას , კალიუმს , რეტინოლს და მანგანუმს .
ყაბაყის პიურის მომზადების ხერხი :
ყაბაყი გარეცხეთ , გათალეთ , დაჭერით პატარა კუბებად და მცირე რაოდენობით წყალში მოხარშეთ 5-10 წთ .

ყაბაყის პიურის რეცეპტი ( ფრანგული კულინარია ბავშვებისათვის )
გათალეთ ყაბაყი , ჩაყარეთ ადუღებულ წყალში , ისე რომ ბოსტნეული მთლიანად დაიფაროს , ცალკე მოხარშეთ ბრინჯი ( ½ ჩ.ჭ ) , შეურიეთ მოხარშული ყაბაყი და ბრინჯი და გაათხელეთ რძით , დაუმატეთ ცოტა მარილი და ასაკის მიხედვით ცხიმი . თუ ბავშვი დიდია , შეგიძლიათ დაუმატოთ ცოტა ნიორი . მე მაგალითად ყაბაყს ბოსტნეულის სუფშიც ვაძლევ ყვავილოვან კომბოსტოსთან ერთად.

ნ.შ

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

რა ვაჭამოთ ახალშობილს

ბავშვთა სწორი კვება სიცოცხლის პირველივე დღეებიდან მისი ჯანმრთელობისა და ჰარმონიული განვითარების უმნიშვნელოვანესი ფაქტორია.
   
კვება მნიშვნელოვან ზეგავლენას ახდენს ბავშვის ფიზიკურ და ფსიქომოტორულ განვითარებაზე და ორგანიზმის დამცველობითი მექანიზმების (იმუნიტეტი) ჩამოყალიბებაზე. განსაკუთრებით დიდია კვების როლი 1 წლამდე ასაკში, როდესაც მიმდინარეობს ორგანიზმის ინტენსიური ზრდა, ორგანოებისა და სისტემების ფუნქციური სრულყოფა, ინტელექტის განვითარება. ერთ წლამდე ასაკის ბავშვებში არჩევენ კვების 3 წესს: ბუნებრივს, შერეულს და ხელოვნურს.

ბუნებრივი კვების დროს ბავშვი პირველი 6 თვე მხოლოდ დედის რძით იკვებება. ეხლა არ დავწერ თუ რა მნიშვნელოვანია ბუნებრივი გზით კვება, თუმცა გეტყვით რომ ჩემს ანდრია ძალიან კარგი მატება ქონდა. კაჟივით იყო და 3 თვისას დაეწყო ღრძილების ქავილი და 4 თვისას პირველი “კიჭი” ამოუვიდა. 5 თვის კი ორი კბილით იკბინებოდა 🙂 ხო ეხლა ისევ კვებაზე, მე პირადად დეკრეტული შვებულებიდან, (4 თვის შემდეგ) რომ დავბრუნდი სამსახურში, გადავიყვანე შერეულ კვებაზე – საქართველოში იყიდება ბევრი დანამატი რომელიც თითქმის დედის რძის ანალოგია. მეც ერთ-ერთი, პედიატრის რჩევით, მივეცი და ძალიან კმაყოფილი ვარ.

დამატებითი კვება

• ახალი საკვები ბავშვს უნდა მიაწოდოთ მცირე რაოდენობით მაგ.2-3 ჩაის კოვზი და თანდათან გაზარდოთ ულუფა; თავიდან ბავშვს მხოლოდ ერთი სახეობის საკვები უნდა შესთავაზოთ.
• დამატებითი კვება იწყება ხილფაფის,მარცვლეულის ფაფის დამატებით,შემდეგ ემატება ბოსტნეული პიურე,ხორცი და რძის პროდუქტები.
• თუ ბავშვი ბოლომდე ვერ ჭამს,ნუ დააძალებთ.თუ ვერ კმაკოფილდება,შეგიძლიათ ცოტა საკვები კიდევ დაუმატოდ;
• დამატებითი საკვები ბავშვმა უნდა მიიღოს კოვზით და არა საწოვარით!
საკვები უნდა მომზადდეს სისუფთავის ყველა წესის დაცვით;
• თავდაპირველად ბავშვის საკვები თხელი პიურეს სახის უნდა იყოს.ასაკის მატებასთან ერთად შეგიძლიათ საკვების მასა გაამკვრივოთ,რომ პატარა ღეჭვასაც შეეჩვიოს;
• დამატებით კვებებს შორის აუცილებლად დაიცავით ინტერვალი 3,5-4 საათი.კვებათა შორის დასაშვებია წახემსება,მაგალითად,ხილ-ფაფის მიწოდება;

4.5 თვის რომ გახდა  გადავიყვანეთ წიწიბურას ფაფაზე (ბევრნაირია: რძით; შავი ქლიავით; გოგრით; ვაშლით და ა. შ) დავიწყეთ სამი კოვზით და ნელ-ნელა გავზარდეთ 150 – 180 გრამამდე.

5 თვისას გავასინჯეთ ტკბილი ვაშლის გემო ჯერ ნახევარი კოვზი, მერე ერთი კოვზი და ასე ავედით ერთ ვაშლამდე, ამასთან ერთად ვასმევდით წყალსაც – ძალიან მოეწონა. ორგანიზმმაც კარგად მიიღო. ერთი კვირის მერე გავასინჯეთ ყაბაყის პიურე (ნახევარი კოვზით დავიწყეთ და ერთი კვირის მანძილზე 7 კოვზამდე ავედით) ერთი კვირის შემდეგ ბოსტნეულის სუფი დავიწყეთ . მომზადების პრინციპი მარტივია: ერთი პატარა თავი კარტოფილი, ყვავილოვანი კომბოსტო, სტაფილო, კამა, ოხრახუში ცოტა, პატარა ხახვი და ნიორი მოვხარშოთ მომინანქრებულ პატარა ქვაბში, პირველი ნახარში გადავღვაროთ და მეორე ნახარში გამოვიყენოთ პიურეს გასათხელებლად, დავამატოთ ერთი წვეთი ზეითუნის ზეთი პიურეს. პირველი ჭამა კოვზ/ნახევარი უნდა იყოს ამაზე მეტი არ შეიძლება ნელ-ნელა გავზარდოთ ულუფა. ჩემი ანდრია ჭკვიანი ბიჭია და დედიკოს ელოდება საღამოს და  ბევრს ჭამს დედის რძეს.

ორშაბათს 6 თვის ხდება და ხორცი უნდა გავსინჯოთ, სასურველია ხბოს ხორცი. დანარჩენს “დავპოსტავ” მომდევნო  უფრო საინტერესო იქნება. 😉 🙂

ნ.შ

ყველაზე უმთავრესი : ასეირნეთ ჰაერზე, ბევრი ელაპარაკეთ და აბანავეთ ყოველ დღე

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

%d bloggers like this: